Marian Rivera, excited na sa ‘Amaya’

Matagal man na panahong nakalipas ay siguradong marami ang natuwa na tuloy na tuloy na nga ang pinakahihintay na epic serye ng GMA, ang Amaya. Nang ganapin ang story con nito noong nakaraang linggo ay ipinahayag ng star ng Amaya na si Marian Rivera ang kanyang tuwa na mag-uumpisa na nga ang pinakaaabangan niyang project mula sa GMA.

“Ngayon talaga, tuloy na tuloy na, dahil nandito na tayo sa story con, kaya tuloy na tuloy na talaga!” masayang pagbabalita ni Marian at the story con.

Dito sa Amaya ay gagampanan ni Marian ang title role na si Prinsesa Amaya, na isang prinsesa bago pa ang panahon ng Kastila, sa isa sa mga banua sa Visayas. May mga lumabas na balita na dahil sa panahon kung saan naka-set ang Amaya ay magkakaroon ng posibilidad na mag-topless si Marian para sa kanyang bagong project na ito. Ano kaya ang masasabi ni Marian dito?

“Nakapag-topless naman ako sa Dyesebel e, ‘di ba? At saka I’m sure dito hindi, dahil reyna ako dito. Sila lang,” said Marian.

Anu-ano kaya ang mga paghahanda na kanyang ginagawa para sa proyektong ito?

“I’m sure magte-training ako ng arnis. Tapos siyempre, lahat, yung scenes, yung character ni Amaya, pag-aaralan kong mabuti, at magwa-one on one uli kami ni Direk Mac [Alejandre], palagi ‘yan,” she revealed.

Hindi naman maikubli ni Marian ang kanyang excitement dito sa project na ito, dahil ito ang unang project kung saan gaganap siya sa isang orihinal na role.

“Mas nae-excite na ako kasi for the first time, gagawa na ako ng isang soap opera na original na siya. E halos lahat ng nagawa ko e remake talaga, at epic pa! Ano pa’ng hahanapin ko?” paglalahad niya.

Abangan ang pagdating ng Amaya sa mga telebisyon soon on GMA.

article by Karen de Castro/ GMA-7